muscomplexpavl.edu.kz
Новости
- Category: Модули отображения Контента
- Published on Tuesday, 14 September 2010 11:20
- Hits: 2263
-
-
Отображает заданное количество материалов из выбранной категории, сортируя по дате, либо в случайном порядке. Помощь
-
Ертегілер — мейірімділікке баулитын, ғибраты мол алғашқы кітаптар. Олар жақсылық пен жамандық туралы сыр шертіп, баланың қиялы мен ой-өрісін дамытады.
2026 жылдың 27 қаңтарында «Музыкалық колледж — дарынды балаларға арналған музыкалық мектеп-интернатында» 3 «Б» сынып оқушыларымен (сынып жетекшісі А.Ж. Тенизова) «Әжемнің ертегісі» атты кітапханалық сабақ өткізілді. Шараны кітапханашы С.К. Мақажанова дайындап өткізді.
Бұл кітапханалық сабақтың мақсаты: әдебиетке деген қызығушылықты арттыру; ертегі кейіпкерлерінің үлгісінде тыңдау, түсіну және ұғыну дағдыларын дамыту, сондай-ақ бір-біріне деген сезімталдық пен мейірімді қарым-қатынасты тәрбиелеу.
Сабақ барысында кітапханашы балаларға сан түрлі кітаптар мекені — кітапхана туралы айтып берді. Оқушыларды қазақ және орыс халық ертегілерімен, алғашқы ертегілердің шығу тарихымен таныстырып, ертегілердің жанрлық ерекшеліктеріне тоқталып өтті. Сондай-ақ ертегілерден иллюстрациялар көрсетіліп, оқушылар кейіпкерлер мен ертегі атауларын үлкен қызығушылықпен тапты. Сабақ соңында кітап көрмесі ұйымдастырылып, әдебиеттерге шолу жасалды.
Кітапханалық сабақ балаларға классикалық әдебиеттің құндылығын тағы бір мәрте еске салып, оларды кітап әлемімен және ертегідегі шытырман оқиғалармен әрі қарай танысуға шабыттандырды.
-
7–9 сынып оқушылары үшін биология пәнінің вариативті бөлімі аясында танымдық іс-шара ұйымдастырылды.
Іс-шара барысында оқушылар Digital Biology бағытымен танысып, жасанды интеллекттің адам ағзасын зерттеудегі маңызы, биологиялық деректерді талдау және ғылыми ақпаратпен жұмыс істеу мүмкіндіктері туралы білім алды. Аталған іс-шара оқушылардың пәнге деген қызығушылығын арттырып, биология ғылымының заманауи және цифрлық бағытта дамып келе жатқанын көрсетті. -
Бүгін мектебімізде 5–6 сынып оқушылары арасында қызықты математикалық турнир өтті. Оқушылар тапқырлық, логикалық ойлау және жылдам шешім қабылдау қабілеттерін сынады:
стандартты емес есептер шығарды
командалық сайыстарға қатысты
интерактивті тақтамен жұмыс жасады
белсенділік танытып, топта жұмыс істей білді
Турнир қызықты, тартысты әрі достыққа негізделген атмосферада өтті
Қатысушылар математиканың қызықты, тартымды және мүлде жалықтырмайтын пән екенін дәлелдеді! -
Бүгін біздің "Музыкалық колледж — дарынды балаларға арналған музыкалық мектеп-интернат" кешенінде ерекше апталықтың шымылдығы түрілді.
Биылғы апталықтың тақырыбы заман талабына сай: «Эксперименттер апталығы: өзіміз ойлауды үйренеміз, ал ЖИ — біздің құрал».
Негізгі мақсатымыз: жасанды интеллектті жай ғана дайын жауап алатын көмекші емес, керісінше, күрделі деректерді зерттейтін, ақпаратты тексеретін және адамның шығармашылық әлеуетін арттыратын қуатты құрал ретінде пайдалануды үйрену. Ғылым мен өнер ұштасқан жерде нағыз жаңалықтар туады! -
"Музыкалық колледж-дарынды балаларға арналған музыкалық мектеп-интернат» кешені" ММ-де білім беру сапасын арттыруға бағытталған жүйелі әрі мақсатты жұмыс жүргізілуде. Білім беру үдерісі заманауи талаптар мен оқытудың өзекті тәсілдерін ескере отырып үнемі жетілдіріліп отырады.
Оқу қызметінде заманауи білім беру технологиялары кеңінен қолданылады: цифрлық білім беру ресурстары, мультимедиалық құралдар, интерактивті оқыту әдістері, қашықтан және аралас оқыту формаларының элементтері. Бұл білім алушылардың танымдық белсенділігін арттыруға, сыни ойлауын дамытуға және тұрақты оқу мотивациясын қалыптастыруға ықпал етеді.
Әрбір білім алушыға жеке көзқарас танытуға, практикалық бағыттағы тапсырмаларды енгізуге, сондай-ақ педагогтердің кәсіби құзыреттілігін арттыруға бағытталған жүйелі жұмысқа ерекше назар аударылады. Кешенді тәсіл жалпы білім беру дайындығының сапасын арттыруға және білім алушылардың табысты әлеуметтенуіне қолайлы жағдай жасауға мүмкіндік береді.
