2021,желтоқсан,03 ТӘУЕЛСІЗДІК ЖЫРЫ


3 желтоқсан күні дарынды балаларға арналған музыкалық мектеп-интернатта «ТӘУЕЛСІЗДІК ЖЫРЫ» атты ҚР тәуелсіздігінің 30-жылдығына арналған салтанаттық кеші өткізілді.
Тәуелсіздік - ең басты құндылығымыз. Тәуелсіздікке қантөгіссіз, бейбіт түрде қол жеткізгеннен кейін ғана елімізді әлемнің өркениетті мемлекеттерінің қатарына қоса алдық. 30 жыл ішінде тәуелсіз Қазақ елін қалыптастырып, нарықтың қиын өткелектерінен аман өткізіп келеміз.Тәуелсіздік күні еліміздің барлық азаматтары үшін орны ерекше мереке деп білеміз, себебі, осынау жүрекжарды қуанышқа толы күнді ата - бабаларымыз ғасырлар бойы армандап, күтумен өтті.
Музыкалық колледж-дарынды балаларға арналған музыкалық мектеп-интернат кешені қазақ халық аспаптар оркестрі және фольклорлы ансамблі кешімізді әдемі сазды әуендермен безердірді.
Кештің қадірлі қонақтары:
Филология ғылымдарының кандидаты, С. Торайғыров атындағы Университеттің профессоры, академигі, доценті,ҚР Педагогикалық Ғылымдар Академиясының корреспондент-мүшесі. 1986 жылғы желтоқсан оқиғасының қатысушысы, филология кафедрасының менгерушісі Зейнуллина Айман Файзуллаевна;
Қазақстан Жазушылар одағының мүшесі, "Алтын қалам" әдеби сыйлығының иегері, ақын, сатирик, С.Торайғыров атындағы облыстық кітапхананың ақпараттық тіркеу бөлімінің басшысы Алпысбай Хонж;
Павел Васильев атындағы бірлестігінің мүшесі, «Жаңа күнді қарсы аламын» өлеңдер жинағының авторы. 2021 жылы өлеңдері «Найзатас» журналының бірінші нөміріне кірді. Оның өлеңдеріне бірнеше ән жазылған. Көркем өнер шебері, көлемді ағаш ою және безендіру шебері Борисовская Наталья Васильевна;
«Серебряные струны» авторлық клубының мүшелері Мәулен Кожахметов және Константин Симонов.
Көрмеде суретші Балшекер Кулышеваның суреттері, көз мүгедек қолөнерші К.Жақсылыкованың киізден жасалған және қолонерші Н.Борисовскаяның ағаштан жасалған бұйымдары және балалардың суреттері қойылды. Тақырып бойынша кітап көрмесі ұйымдастырылды.
Мектеп қабырғасында бір жыл аралығында этнография олимпиадасы бойынша «Эссе сайысы» өткізілген еді, соның женімпаздары марапатталды.Тәуелсіздігіміздің 30-жылдығына арналған «Сурет сайысы» өткізілген еді, соның женімпаздары да марапатталды.
Шара қызықты және пайдалы өтті, тәуелсіздік туралы бейнекөрініс көрсетілді.
FaLang translation system by Faboba